ايمان صبيح مهندسة الاكسسوارات: الاكسسوارات ابداع وفن وهندسة




كتبت:  سماح السيد
ايمان صبيح مهندسة الاكسسورات اسم يعرفه جيدا مصممي الاكسسورات  في مصر والعالم لعربي باكمله فهي صاحبة اروع وادق قطع من الاكسسورات التي تزين بنات حواء وتضيف اليها مزيدا من الجاذبية التي تحمل اسم ايمان صبيح  تحت براند هير اكسسيسسوريز her accessories
وتواصل ايمان صبيح رحلتها في عالم تصميم الاكسسورات بابداع وفن وهندسة وهو ما تسجله السطور القادمة كما ذكرته المهندسة بدون اضافة مثلما انطلق من القلب ليصل الى قلب الاف لاف من القراء 
من هي ايمان صبيح؟

انا المهندسة إيمان صبيح مهندسة اتصالات ... كان الموضوع معايا هوايه وعشق للفن والتصميم بشكل عام من صغري ... كنت بعمل ده بدون ما أركز ولا اخد بالي اصلا كنت بجيب حجات عندي اصلا وأضيف ليها حركات جديده وافكها واغير شكلها كنت ارسم ازياء واكسسوارات واخده أن كل ده لعب في لعب .. وركزت في مجال دراستي ومهنتي اللي بحبها برضه وبعد التخرج وبالصدفه ولما لقيت الأدوات بقت منتشره قوي في السوق جربت لقيت أن انا لسه عندي الموهبة والحمد لله بتشجيع أهلي وزوجي واصحابي الموضوع اختلف تماما وبدأت اخده بطريقه بروفيشنال اكتر واركز فيه واطلع كل جديد عندي فيه .... حاولت في كل تصميم من تصميماتي اني اغير فكره حتي لو بسيطه للناس عن الاكسسوار وحاولت بقدر الإمكان اني اقول لكل أنثي انك أنثي ولازم ندلعك لأن الاكسسيسسوري دي جزء لا يتجزأ من جمالك وأناقتها وشياكتها ... فاهتميت بكل تفاصيله والحمد لله دراستي ساعدتني كمان كتير في طريقة تفكيري وترتيبها الموضوع فعلا مختلف مع حبي لمجالي وموهبتي في نفس الوقت
ما هي  اهم تصميماتك في عالم الاكسسورات تصميات مميزة؟
استخدامي للصلصال الحراري ولكن حاولت استخدمه مع خامات أخري غير المعدن والنحاس وهو اني اضفته للجلود بأنواعها وان يكون عندك فرصه انك تلبسي طقم الاكسسيسسوري  باكتر من شكل و ممكن يكون دابل فيس وده ب يتيح ليكي التنوع في اللبس و أحاول أمنع عنك الملل من قطعة الاكسسوار وتقدري تستفيدي بيها بقدر الامكان
وكيف يتم لعثور على تصميماتك؟
انزل تصميماتي تحت براند هير اكسسيسسوريز her accessories
فيه اسماء تحبي تقوليها في الموضوع ؟
لمن توجهين الشكر لمساعدتك في ابراز تصميماتك؟
 اشكر الفوتوجرافر محمود عبد العظيم والموديل جولي ... كانوا شركائي في نجاح الكوليكشن ده طبعا اشكر اللي تعبوا معايا في اني اطلع التصميمات دي علي أرض الواقع وهما ... أسرتي كلها واهمهم والدتي وزوجي ليهم دور كبير جدا جدا في نجاحي

CONVERSATION

0 comments:

إرسال تعليق