.jpg)
كتبت سماح السيد: مراسلة بمكتب مجلة الغربة بالقاهرة
واثقة الخطوة تمشي ملكـة ظالمة الحسن شهية الكبرياء عبقت السحر كانفاس الربي ساهمت الطرف كاحلام المساء هذه هي موني فاروق ملكة جمال الموديلز المحجبه التي تشبة زهرة البانسية بالوانها الجميلة ورقتها الطاغية التي تاخذ بالالباب فلقد حلقت كالفراشة الزاهية الالوان الى عالم الموديل وعروض الازياء لتضىء بحجابها ورقتها ودلالها وانوثتها التي استعارت من الارض جاذبيتها هذا العالم السحري وتواصل الفراشة تالقها في عالم الموديلز وعروض الازياء .. موني فاروق تفتح قلبها لمجلة الغربة
بطاقة تعارف من هي موني فاروق؟
امنية فاروق سراج مواليد شهر خمسة خريجة ارشاد سياحى
المهنة عارضة ازياء
متى بدا مشوارك مع عروض الازياء وعالم الموديلز؟
اكتشفت في اعماقي الحس الفنى حيث كنت اقوم بعزف الموسيقى من سن ٧ سنين واقوم برقصات الفنون الشعبية ودايما كونت بااخد جوايز فى المدرسة واكتشفت موسهبتى فى مجال الازياء وعشقي الدائم للتصوير واهتمامى بعالم الميكب والازياء
وحبى للمتثيل
هل كلن لك تجارب كممثلة؟
نعم كان لي تجربة فنية فى رمضان ٢٠١٠ بمشاركتي في مسلسل مش الف ليلة وليلة بطول النجم اشرف عبد الباقى والنجمة ريهام عبد الغفور قمت بدور الزوجة الرابعة للسياف مسرور لكن بعد ارتدائي الحجاب ماعنديش اى طموح انى اكون ممثلةاو اعيد التجربة تانى
ولماذا غابت طموحاتك الفنية ؟
الوسط الفنى ليه ناسه ونجومه وفنانينه واى موهبة محتاجة ان صحابها يكون بيحبها اووى ومقتنع بيها عشان يقدر ينجح فيها وانا ماعنديش اى رسالة فنية اقدر افيد الناس بيها من خلال التمثيلانما شغلى كموديل وعارضة ازياء محجبة خصوصا لي رسالة من خلالها اجعل الكثيرات يملن الى الحجاب الذي لا يتارض مع الشياكة ابدا ابدا وبالفعل بنات كتير كلمتنى وقالتلى كونتى سبب ليا فى حبى للحجاب
ولتاكيد ان الحجاب مش موضة بلدى بل العكس البنت الى تستاهل لقب البنت الاستيل الشيك المحجبة من خلال حجابها وتنسيق الالوان مع بعضها وربطات حجبها المختلفة لان شياكة المحجبة حاجة مش سهلة خالص
وهل تحبين عملك؟
بحب شغلى من خلال حب الناس ليا بيشجعنى اكتر انى اخرص دايما على ظهورى ليهم بشكل جديد
متى بدات الظهور كموديل؟
اول ظهور لي فى مجال المودل من خلال مجلة ايجى استيل
وادين بالفضل لظهوري في بداية حياتي كموديل وعارضة ازياء لخبيرة التجميل الموهوبة والمتميزة التي ايديها تتلف في حرير كما يقولون منى الجمل
ومن ساعدك في نجاحك كموديل؟
انا ماحدش سعدنى في شغلى وكنت دائما اساعد نفسى من كتر حبى لشغلى دايما كل تركيزى ليه وبجتهد دايما فيه
ولكن من منحني خبرة كبيرة واستفد ت كثيرا من من شغلى معاه المصور الفوتغرافي الموهوب محمد عزبالاضافة الى
خبيرة التجميل منى الجمل التي كانت سببا ودافعا لظهورى في مجال عارضات الازياء ولينا شغل كتير معا اكتر من رائع
وعلاقاتي في شغلى بالفاشون دزينر والميكب ارتست كونت علاقات صداقة قوية جدا وحب كبيربتجمعنا دايما بشغل بيبهر الناس
اعز الناس
وتضيف موني فاروق ملكة جمال الموديلز وانا اعتز بشغلى جدا مع خبيرة التجميل نانيس سليم لقد قدمتني بطلة جديدة عجبت ناس كتير
وما اهم هوايتك؟
حب الناس ومساعدتى ليهم من اهم هوايتىواشعر بسعادة عند مساعدتى للبنات التي بحاجة لمساعدتي مثل العرائس او المحجبات الجدد وافرح دايما بثقتهم وحبهم ليا ودايما بكون مبسوطة وانا بسعدهم
ومن مثلك الاعلي في الموديل في مصر وخارجها؟
خارج مصر افضل مودل روسيا ايرا و دى افضل عارضة ازياءوبمصر عريضة الازياء المحجبة المصرية ياسمين محسن
ما احب الاماكن الى قلبك في مصر وخارجها؟
برا مصر تركيا ونفسى اووى بجد اسافر باريس وايطاليا وفرنسا واماكن كتير اووى لانى بعشق حاجة اسمها سفر
وجو مصر الحسين والقلعة وشرم والغردقة والزمالك شارع ابو الفدا
اخيرا ماذا عن القلب والحب؟
انا لست محظوظة فى الحب وكل ارتباطى حاليا بشغلى وهو كل حياتى وفى انتظار حب عمرى اللى ربنا يرزقنى بيه ولولا الحب ما كان في الدنيا ولا انسان
كلمة اخيرة؟
اشكر مجلة الغربة اللبنانية واشكرك يا سماح فانت صحفية متميزة
مين القمر دي؟هو فيه كده في الدنيا؟؟
ردحذفسامح حسن
القاهرة