كتاب بيتين وتنّور شعر باللغة المحكيّة للدكتور اياد قحوش

صدر عن دار الرحاب الحديثة في بيروت ٠كتاب شعر باللغة المحكيّة للدكتور إياد قحْوش وهو أول كتاب شعر له.
يتضمن الكتاب قصائد شعر مكثفة وقصيرة تخاطب الحياة والجمال والحرية والإنسان .
كتب مقدمة الكتاب الشاعر الكبير هنري زغيب .
الكتاب موجود في المكتبات اللبنانية ويمكن الحصول عليه من المكتبة البولسيّة في جونيه بالإتصال على الرقم (009619911561 ).
ريع الكتاب سيخصص لمساعدة المهجرين من سوريا في لبنان.
**
كنت بتمنى أكتب عن ديوان "بيتين وتنّور" وهوي نايم بين إيديي..
هيك بيطلع الكلام صادق وحلو..
وبما أنّو الدكتور إياد قحوش توّج رحلتي الأدبية بكتاب إلكتروني إسمو: شربل بعيني شاعر الشعراء..
وبما أنّو الكتاب مزيّن بأجمل القصايد اللي هديتني ياها شاعرية خيي إياد
صار فيني أكتب أنا ومرتاح..
إياد قحوش من أول إطلالتو على الورق كان إنسان كبير
قرّر إنو ريع كتابو يروح لمساعدة المهجرين السوريين بلبنان..
وهيدي أول مرة بيطعم الشعر خبز للفقرا..
وهيدي أول مره بيكون للشعر رساله إنسانية أبعد من الصور الشعريه.
لمّن حبيت الدكتور إياد ما حبّيتو لأنّو أهداني شعرو..
أو لأنّو شاعر كبير..
حبّيتو لأنّو إنسان..
وشو نفع الشعر..
وشو نفع النثر..
وشو نفع الكلمه..
إذا تخلّى الشاعر أو الأديب أو الاعلامي عن إنسانيتو؟
إياد قحوش إبن الضيعه، رفيق الطبيعه، وصديق البيئة..
ولهالسبب اختار عنوان كتابو "بيتين وتنّور"
هيدي هيي مملكة إياد..
لا كندا سحرتو..
ولا الطب سرقو..
ولا الدولار ذلّو..
بعدو عايش هونيك.. بسوريا
وما بدو أكتر من "تنور" يشوي عليه شويّة بلّوط..
أف شو عظيم هالـ "إياد"
ألف ميروك يا حبيب القلب..
وانشالله بيدرك بيضل مليان قمح وخير وبركة
لأن الظلم عم يكتر ببلادنا..
والجوع عم يفتك بأطفالنا..
ومين غير الشاعر الشاعر بيحنّ ع أهلو..
ألله يحميك.
شربل بعيني
سيدني ـ استراليا

CONVERSATION

0 comments:

إرسال تعليق