وفاة الشاعر حنا يوسف نقولا

في 17 حزيران وفي كنيسة السيدة ـ قنات، ودّع لبنان الشاعر الكبير حنا نقولا، مؤسس "الجوقة الريفية" الزجلية، الذي صدح صوته لسنوات في حفلات الزجل اللبناني، وقد زارنا في سيدني أستراليا، وألهب المسرح بطلته وبصوته وبزجلياته الخالدة. ومن منا لم يحفظ ابياته الشعرية هذه:

زرعتك بقلبي ونغمتي وفني

جرحة وتر بيدوب حنيي

والنار قربك شفتها جنّه

وصرت الجمر احمل بإيديي

ونحن في مؤسسة الغربة الاعلامية لا يسعنا إلا أن ننحني إجلالا للشاعر حنا نقولا، ولكل شاعر أعطى وأغنى تراثنا بمؤلفاته الرائعة، ونرسل تعازينا القلبية لزوجته: جانيت الحلو، وأولاده: نيكولا، أوليفر، وبناته: ليزا، تاتيانا، وأشقائه: عائلة المرحوم شيبان، عائلة المرحوم سركيس، باخوس وعائلته، طنوس وعائلته، شقيقاته: عائلة المرحومة سليمة زوجة شليطا سعد بطرس، عائلة المرحومة نزها زوجة المرحوم طنوس اسطفان.
ونترككم مع دمعة صديقه الشاعر عصام ملكي:
يا عاشقين الشعر واللحن والأوزان
خسرنا اللي هوّي بطل والعال من عالو
كان على سيدني يجي ومحب هأ الانسان
من الفكر ما في حدا بالمجتمع شالو
يا قنات دمع اسكبي أشكال مع ألوان
عا قبر شاعر عطا للكاينه حالو
ممنوع إنّو يجي عا سيرتو النسيان
بعدو بإدن الزمن مسموع موالو
حنا النقولا انعرف شاعر عظيم الشان
ما كان الا بشعر عم ينشغل بالو
عا كل منبر حكي وغنى الوطن لبنان
وما كان الا الوفا والحب رسمالو
يا حباب قلبو اعرفو من دون كان ومان
عا الارض ما في حدا بيضل عا حالو
راح على تاني دني من جمعتين زمان
حنا النقولا وانا عم قول شو قالو
**